PGL ги објави составите на сите 32 тима што ќе учествуваат на Major во Сингапур, заедно со резервните играчи што ги пријавиле тимовите.
Од македонска гледна точка, Матеј „NucleonZ“ Трајкоски е пријавен како резерва на Falcons во третата фаза. Осумнаесетгодишниот играч доаѓа од Falcons Force. Дамјан „kyxsan“ Стоилковски пак е дел од петорката на Aurora, а како резерва на тимот е пријавен Ashley „ash“ Battye.
Најмалку пет тимови ќе настапат со резервен играч уште од почеток. Најистакнат случај е Vitality, кој мораше да го пријави IGL-от Dan „apEX“ Madesclaire како резерва, откако Justinas „jL“ Lekavicius одигра седум натпревари за тимот на PGL Masters Bucharest непосредно пред крајниот рок за покани.
Со резерви ќе играат и Legacy (Italo „ksloks“ Meinberg наместо Vinicius „n1ssim“ Pereira), Astralis (Anton „Anlelele“ Huynh наместо Jakob „jabbi“ Nygaard), FUT (Álvaro „SunPayus“ García наместо Nikita „cmtry“ Samolotov) и 9z (Allan „history“ Lawrenz наместо Ignacio „meyern“ Meyer).
Најголемо изненадување е Hansel „BnTeT“ Ferdinand како резерва на BC.Game, кој го игра турнирот како GOSH. Изненадувачки избор направи и 1win, со Aleksey „xeedo“ Mikulich од K27. Повеќето тимови за резерва го избрале тренерот, а G2, Eternal Fire, Natus Vincere и MOUZ одбрале млад играч од академија.
