JiJieHao го победи FaZe со 2:1 во серија на Digital Crusade DraculaN Season 7 и го прати соперникот во долниот бракет. Во составот на JiJieHao е македонскиот играч Aleksandar „CacaNito“ Kjulukoski.
FaZe ја доби мапата Mirage со 13:6, но потоа загуби на Dust2, која самите ја избраа, со 13:9. Серијата се реши на Anubis, каде JiJieHao победи со 13:11. Во последната рунда беше 2v2 со водство од 12:11 за JiJieHao. Jakub „jcobbb“ Pietruszewski направи две убиства во клач ситуацијата, но не стигна да ја дефузира бомбата.
За FaZe загубата е тежок удар во борбата за пласман на PGL Major во Сингапур. Тимот е 14. на европската VRS ранг-листа и сè уште има шанса да се квалификува пред рокот на 2 ноември. Според HLTV, топ шест пласман во Букурешт би ја зголемил проекцијата за покана од 55% на 87%. Следниот противник на FaZe е Envy.
JiJieHao, пак, го достигна својот највисок ранг во VRS и е 18. во Европа, со што моментално е на последното место што носи покана. Според проекциите на HLTV, шансите да го задржи тоа место до 2 ноември се мали.
Следно за JiJieHao во горниот бракет е SINNERS, кој го нанесе првиот пораз на HEROIC на турнирот. Во составот на SINNERS е македонскиот играч Jordan „stressarN“ Manevski, па двајца македонски играчи се на спротивни страни во овој натпревар. Победникот од мечот FaZe – Envy би можел да игра против HEROIC, доколку тие ја победат BBL во долниот бракет.