BETBOOM го заврши походот на Aurora на IEM Beijing со победа од 2-0. Тимот ги освои мапите Mirage и Cache со идентичен резултат 13-5 и се приближи на една серија до плеј-офот.
Aurora, во чиј состав игра Македонецот Дамјан „kyxsan“ Стоилковски, го заврши турнирот на 9-12 место. Тимот претходно го победи G2, но во првото коло загуби од Liquid. Пред тоа Aurora стигна до три полуфинала на StarSeries, ESL Pro League и Thunderpick, а потоа испадна во четвртфинале во Букурешт.
На двете мапи сликата беше иста: BETBOOM водеше со 8-4 на полувреме, а по промената на страните дозволи само едно освоено рунда на противникот. Kirill „Magnojez“ Rodnov беше најдобар во серијата со 35 убиства и рејтинг 1.70, а Daniil „d1Ledez“ Kustov го следеше со 1.59. На Cache, мапата што ја избра Aurora, најдобар на табелата беше Kirill „Boombl4“ Mikhailov со рејтинг 1.90.
kyxsan заврши со 23 убиства и 28 смрти и рејтинг 0.89.
BETBOOM подоцна истиот ден ќе игра против Liquid за последното место во плеј-офот од Група B. Aurora пак има речиси еден месец до почетокот на настапот на Major во Сингапур, каде ќе започне од Stage 3.