Aurora го победи G2 со 2:1 во мапи и го елиминира од IEM Beijing. Aurora го освои Nuke (13:9) и Dust2 (16:13), додека G2 ја доби Inferno со 13:9.
Во Aurora игра македонскиот плеер Дамјан „kyxsan“ Стоилковски, кој серијата ја заврши со 44 убиства и 48 смрти и рејтинг 1.12. Најистакнат во серијата беше Ali „Wicadia“ Haydar Yalçın со 60 убиства и рејтинг 1.30, од кои 26 убиства на последната мапа.
G2 успеа да изнуди одлучувачка мапа и да стигне до продолженија на Dust2, со помош на ејс од Nemanja „huNter-“ Kovač, но тоа не беше доволно. За G2 ова е трет по ред излез во групната фаза по финалето на FISSURE Playground 3 во септември. На EPL S24, PGL Bucharest и IEM Beijing тимот има само една победа во девет серии, против ShindeN.
Тренерот Eetu „sAw“ Saha претходно во Bucharest го опиша тимот како стагниран. G2 следно ќе игра против MOUZ на BLAST Rivals во Хонг Конг, пред настапот на Major во Сингапур, во Stage 2.
Aurora останува во конкуренција и во полуфиналето на долниот дел на турнирот ќе игра против поразениот од дуелот MOUZ – BETBOOM.
