Mandatory го објави составот за 2027 со македонскиот играч runneR

Mandatory го објави целосниот состав за сезоната 2027. Во него се петмина играчи кои минатата година настапувале на највисоко ниво: Dominykas „MiniBoo“ Lukaševičius како Duelist, Sylvain „Veqaj“ Pattyn во флекс улога, Емил „runneR“ Трајковски како Sentinel, Kimmie „Kicks“ Laasner како Controller и Patryk „starxo“ Kopczynski како водач на играта.

Македонскиот играч runneR во сезоната 2026 настапуваше за Joblife, претежно во улога на Duelist, а кај Mandatory се очекува да игра Sentinel. Тој има две сезони во VCT EMEA, една со Team Vitality и една со GIANTX, а претходно играл и за Diamant Esports.

Тренерската клупа ќе ја водат главниот тренер Kévin „Larsson“ Bernard и неговиот помошник Arnaud „SKAZZ“ Trocars. Тие веќе работеле со неколку од играчите, а Veqaj се обединува со нив по соработката во Zerance.

Starxo ја заврши сезоната 2026 како водач на играта кај Gentle Mates, а претходно беше светски шампион со Acend. Veqaj се приклучува од Fnatic, каде поради здравствени причини беше префрлен во неактивниот состав. Kicks ја помина сезоната поделена меѓу Team Liquid Academy и Team Liquid.

Mandatory е во VALORANT од 2022 година. Француската организација двапати се натпреваруваше на Ascension, а последно не успеа да стигне до VCT конкуренцијата, откако ја заврши EMEA Stage 3 далеку од местата за Play-In и загуби во полуфиналето на EMEA LCQ.