ESL ги објави групите и првите натпревари за IEM Beijing, турнир кој ќе се игра од 2 до 8 ноември во главниот град на Кина.
Македонскиот играч Дамјан „kyxsan“ Стоилковски настапува со Aurora, која е сместена во Група Б. Нејзиниот прв противник е Liquid. Во истата група се и мечевите G2 против PARIVISION, BETBOOM против 9z и MOUZ против TYLOO.
Најголемото внимание во Група А го привлекува дуелот Natus Vincere против Falcons, реванш на нивниот натпревар од ESL Pro League S24. Таму се и FURIA против FaZe, HEROIC против B8 и Legacy против The MongolZ.
Учествуваат 16 тима, поделени во две групи од по осум со двојна елиминација. Победниците на групите одат директно во полуфинале, а второпласираните и третопласираните во четвртфинале.