Froglings остана на една серија од Grand Final на DreamLeague D2 S5, но екипата на македонскиот мид играч Stojkov сепак си обезбеди место на DreamLeague Season 30.

Во четвртокот Froglings прво го совлада HULIGANI со 2:1 во полуфиналето од долниот дел на турнирот, победа која им гарантираше топ три пласман. Во финалето на долниот дел го пресретна CyberHero и загуби со 1:2, со што заврши патот на тимот во плејофот.

Froglings во долниот дел на турнирот падна по пораз со 1:2 од IC x Insanity во полуфиналето од горниот дел на 16 ноември. Тимот реагираше со победа од 2:0 над PlayTime во четвртфиналето од долниот дел, откако претходно го отвори плејофот со 2:0 против PuckChamp.

Третото место му носи на Froglings 8.000 долари и едно од трите места за DreamLeague Season 30. Grand Final ќе се игра меѓу IC x Insanity и CyberHero.