Falcons објавија дека го паузираат својот академиски состав Falcons Force и дека им дозволуваат на играчите да ги разгледаат можностите на пазарот.
Тимот беше формиран во септември 2025 година, а проектот го водеше главниот тренер Niels Christian „NaToSaphiX“ Sillassen. Falcons Force во мај достигна највисока позиција број 87 на светската ВРС-ранг листа. Четвртото место на Parken Challenger Championship Season 3 беше едно од ретките светли моменти, бидејќи тимот тешко се наметнуваше на тиер-2 сцената.
Најистакнат играч на академискиот состав беше Македонецот Матеј „Nucleonz“ Трајковски. Тој му помогна на главниот тим на Falcons да стигне до финалето на BLAST Bounty 2026 Season 1 Finals во Малта, каде го замени Maksim „kyousuke“ Lukin, кој не можеше да присуствува поради визни проблеми. Два месеци подоцна го замени рускиот играч и во првиот меч на BLAST Open Rotterdam, против NRG.
Од создавањето на тимот е направена само една промена: Benjamin „Olaie“ Olaie беше заменет со Sindre „Tapewaare“ Ellefsen, претходно играч на Apeks Rebels и CPH Wolves.
Составот го сочинуваа Vladimir „VENO“ Stankovic, Andrei „grecu“ Grecu, Oskar „clockzi“ Led Blæsbjerg, Матеј „Nucleonz“ Трајковски и Sindre „Tapewaare“ Ellefsen, со Niels Christian „NaToSaphiX“ Sillassen како тренер.