BRUTE го совлада Nexus Gaming со 2:1 во осминафиналето на Fiesta Series 3

BRUTE го помина осминафиналето од плејофот на Fiesta Series 3 по тесна победа од 2:1 над Nexus Gaming во вторникот во 16:00 часот. Во составот на тимот игра македонскиот AWP играч Јане „aidKiT“ Апостолоски.

BRUTE ја освои првата мапа, Anubis, со 13:11. Nexus Gaming ја израмни серијата на Inferno, каде победи со 16:12.

Одлучувачката мапа беше Cache и се реши во самиот финиш, а BRUTE slavi со 16:14 и ја заокружи серијата во своја корист.

Fiesta Series 3 е онлајн турнир во Counter-Strike 2 со награден фонд од 20.000 долари, а сите натпревари во плејофот се играат како серии до две победи.