Со завршувањето на последните LAN турнири пред рокот на 2 ноември, утврдени се сите 32 тима за вториот Major во 2026 година, PGL Major Singapore, со награден фонд од 1,25 милиони долари.
Последното место во Европа го обезбеди 100 Thieves, кој го освои FiRe Last Chance во Буенос Ајрес. HOTU остана без пласман откако загуби од 1win во финалето на GLuck Moscow Cyber Games. Во Америка последното место го освои Wildcard со победа над NRG во четвртфиналето на FiRe Last Chance, а во Азија Lynn Vision го доби последното место по повлекувањето на TYLOO од HyperX Retake Season 13.
Од македонска гледна точка, Aurora ќе учествува на Major-от од Stage 3. Во составот на тимот е Дамјан „kyxsan“ Стоилковски. Во истата фаза ќе настапат и MOUZ, BetBoom, FURIA, Vitality, Spirit, Falcons и Legacy.
Во Stage 2 се FUT, Natus Vincere, 1win, MIBR, Nemiga, G2, Astralis и The MongolZ, а од Stage 1 стартуваат Ninjas in Pyjamas, HEROIC, Eternal Fire, Liquid, M80, Imperial, BC.Game, FlyQuest, PARIVISION, FaZe, 100 Thieves, 9z, DENDELE, Wildcard, Chinggis Warriors и Lynn Vision.
PGL Major Singapore ќе се игра од 24 ноември до 13 декември, а плеј-офот ќе се одржи во Singapore Indoor Stadium. Турнирот ќе заврши со гранд финале во најдобар од пет мапи, а претходно ќе се игра мечот за трето место.