Окружен суд во Финска го прогласи Aleksi „Aleksib“ Virolainen, 29-годишниот in-game лидер на NAVI, за виновен за тешка даночна измама. Му беше изречена казна од четири месеци затвор условно, со две години пробен период, јавуваат повеќе фин—ски медиуми.
Според пресудата, Aleksib не пријавил зарада од 53.000 евра од Valve Corporation во 2019 година, остварена со учеството на Major турнирите IEM Katowice и StarLadder Berlin. Поради тоа платил приближно 28.000 евра помалку данок на приход.
Во одбраната признал дека пријавата била нецелосна, но негирал дека намерно сакал да избегне даноци, наведувајќи дека првично верувал дека тие се платени. Според медиумите, во меѓувреме ги платил неплатените даноци.
Судот сепак оцени дека непријавувањето на приходот било намерно и дека играчот барал финансиска корист. Според is.fi, може да се жали на одлуката до 26 ноември.
Условната казна не бара излежување затвор, но пресудата ќе се впише во неговиот кривичен доси+е, што потенцијално може да ги комплицира визните апликации и патувањата на меѓународни турнири.